Medihelp se Jaarverslag en AJV

Lede speel ’n belangrike rol in die Skema se sake deur mosies in te dien vir bespreking by die algemene jaarvergadering (AJV) en te stem oor sake wat die organisasie raak. Lede kan die uitslae van die stemming op die Member Zone sien. Die nuutste jaarverslag met besonderhede van die Skema se finansiële prestasie en strategiese prioriteite is ook beskikbaar om te besigtig en af te laai. 

Medihelp het in die boekjaar tot einde 31 Desember 2023 nie net daarin geslaag om sy netto organiese groei bo die 7%-kerf te hou nie, maar het ook 21 789 nuwe hooflede verwelkom. Die Skema het die verslagtydperk afgesluit met 101 633 hooflede en 216 786 begunstigdes.

 

Die Voorsitter van die Raad van Trustees, Chris Klopper, het Medihelp se 118de AJV op Donderdag 20 Junie 2024 aangebied. Lede en gaste landwyd het die vyfde aanlyn vergadering bygewoon en het intyds vrae op Medihelp se webtuiste gestel.