Kliek hier vir betroubare inligting oor die entstof.
Stryd tussen die geslagte — wie gaan wen?
Wens jy soms die wêreld kan weer wees soos vóór COVID-19 alles omvêr gegooi het? Ongelukkig is dit duidelik dat die COVID-19-pandemie nog vir die afsienbare toekoms deel van ons lewens gaan wees en dat ons enigste beskerming daarteen is om die hoogste persentasie van ons bevolking so gou as moontlik in te ent.
Word deel van die veldtog – #GetVaccinated en staan ’n kans om met ‘n kontantprys beloon te word omdat jy na jou gesondheid omsien
Hoe om in te skryf
Drie ouderdomsgroepe (20-39 jaar, 40-59 jaar en 60+ jaar) ding mee om te sien watter groep eerste die inentingsteikens van 40%, 60% en 80% lede ingeënt kan behaal. Die eerste groep wat hierdie teikens behaal, kwalifiseer vir die prystrekking en die eerste persoon wie se naam getrek word en wie se inentingstatus bevestig word, wen ’n prys.
Is jy volledig ingeënt?
Lede wat volledig ingeënt is, hoef net die inskrywingsvorm te voltooi
Nog nie ingeënt nie?
- Registreer op die elektroniese inentingsdatastelsel (EVDS)
- Maak ’n afspraak by Clicks or Dis-Chem, om jou inenting te kry, of gaan na jou naaste inentingsperseel
- Sodra jy volledig ingeënt is, voltooi die inskrywingsvorm links
Sal Medihelp betaal vir die inenting?
Ja, Medihelp betaal die koste van die COVID-19-inenting en die toedieningsfooi ten volle, aangesien dit vir voorgeskrewe minimum voordele kwalifiseer.
