Medihelp belê in môre, een jong lewe op ’n slag

Die toekoms van Suid-Afrika dra baie gesigte

Party is voor dagbreek wakker om die lang pad skool toe te begin stap. Party dra sportsakke gevul met drome groter as die velde waarop hulle oefen. Party staan in kooruniforme en wag vir die kans om gehoor te word. En party is nog so klein dat hulle in die palm van ’n versorger se hand pas.

Tydens Jeugmaand onthou Suid-Afrika die dapperheid van die jongmense wat geveg het vir die reg op ’n beter toekoms. Vandag rus dié verantwoordelikheid egter by ons almal. Want vir te veel kinders moet talent dikwels meeding met honger, swaarkry en omstandighede buite hulle beheer.

By Medihelp glo ons dat ons in die mense wat Suid-Afrika se toekoms gaan vorm moet belê om na ons gemeenskappe om te sien. Gelei deur ons waardes van deernis en uitnemendheid, bly ons diep betrokke by die welstand, groei en potensiaal van jong Suid-Afrikaners – deur onderwys, voeding, sport en gemeenskapsvennootskappe. Want soms kan ’n bietjie omgee ’n kind se toekoms en selfbeeld verander.

Soms is omgee ’n eenvoudige paar skoolskoene

Deur die MyWalk-inisiatief het Medihelp 9 644 pare skoolskoene aan kinders regoor Suid-Afrika geskenk. Vir baie leerders beteken dié skoene meer as beskerming teen grondpaaie en koue oggende. Dit beteken waardigheid. Dit beteken selfvertroue. Dit beteken die kans om as ’n gelyke ’n klaskamer binne te stap.

Soms is omgee die klank van borde en eetgerei in ’n kombuis wat eens stil was

’n Kind kan nie op drome fokus wanneer hulle honger is nie. Daarom het Medihelp gehelp om die kombuis van die Bekezela crèche, geleë in ’n herwinningsgemeenskap, te heropen sodat kinders elke dag weer ontbyt en middagete kan kry.

Soms is omgee in die vasberadenheid van ’n jong atleet wat weier om moed op te gee

Ons glo dat uitnemendheid en die vermoeë om hul potensiaal te bereik deur die geleenthede en ondersteuning wat jongmense ontvang, bepaal word eerder as hulle omstandighede. Deur die South African Hall of Fame Legacy Project het Medihelp meer as 50 toekomstige sporthelde ondersteun - jong Suid-Afrikaners met buitengewone talent, dissipline en dapperheid wat voortgaan om uitnemendheid na te streef ten spyte van die uitdagings wat baie elke dag in die gesig staar.

Dieselfde geloof in potensiaal dryf Medihelp se ondersteuning van die Centurion Gymnastics Club, waar kinders van driejarige ouderdom begin om lesse te leer wat verder as gimnastiek strek: dissipline, selfvertroue, veerkragtigheid en hoop.

Soms is omgee om jongmense die geleentheid te gee om gesien en gevier te word

Vir die Transoranje Skool vir Dowes het Medihelp bygedra tot ’n koortoer wat leerders die kans gegee het om hulle talent te deel. Dit het vir hulle ’n ervaring gegee wat die jongmense nooit sal vergeet nie en hulle geleer van trots, samehorigheid en blydskap.

En soms is omgee om die lewens van die weerloses te beskerm

Deur ondersteuning vir Rock of Hope en Starfish Babies help Medihelp om babas en kinders te versorg wat te klein is om hulself te beskerm. In die stil oomblikke word sorg iets baie menslik: ’n herinnering dat elke lewe saak maak, maak nie saak hoe klein nie.

Omgee verder as gesondheidsorg

Hierdie inisiatiewe vorm deel van Medihelp se oortuiging dat omgee vir mense verder strek as die befondsing van gesondheidsorg. Omgee is om op te daag vir gemeenskappe, geleenthede te skep en jongmense te herinner dat hulle gesien, gewaardeer en ondersteun word.

Jeugmaand is nie net ’n tyd om te besin oor die dapperheid van die jeug wat ons land se geskiedenis gevorm het nie. Dit is ook ’n herinnering dat die toekoms van Suid-Afrika reeds in ons klaskamers sit, ons strate stap, hul alles gee op sportvelde en wag om die kans te kry om te floreer.

Ons glo elke jongmens verdien die geleentheid om groter te droom as hul omstandighede. Want wanneer jongmense voor omgegee, ondersteun en bemagtig word, doen hulle meer as om hul eie toekoms te verander; hulle help om die toekoms van Suid-Afrika te vorm.