Ons gebruik koekies om jou aanlyn ervaring te optimaliseer. Deur voort te gaan, aanvaar jy dat ons koekies gebruik soos in ons beleid uiteengesit. Sou jy koekies deaktiveer, kan sekere funksies op ons webtuiste onbeskikbaar of beperk wees.

Dekking vir alledaagse mediese uitgawes

Jou alledaagse mediese uitgawes (soos besoeke aan jou huisdokter en medisyne) word uit dag-tot-dag-voordele gedek en verskil per plan.

Hoe werk jou dekking vir hierdie dienste?

Die dekking wat jy vir dag-tot-dag- mediese uitgawes geniet, hang van jou plan af. Maak dus seker jy kies ’n plan op grond van jou spesifieke behoeftes en voorkeure vir gesondheidsorg. Jou dag-tot-dag-voordele sluit dekking in vir:

  • Konsultasies by algemene praktisyns en spesialiste
  • Medisyne oor die toonbank
  • Tandheelkunde
  • Oogtoetse, kontaklense en brille
  • Bloedtoetse
  • Fisioterapie
  • Konsultasies by dieetkundiges
  • X-strale en skanderings
  • Mediese toestelle

Medihelp dek hierdie uitgawes soos volg:

Lede wat verkies om vasgestelde bedrae vir spesifieke gesondheidsorgdienste beskikbaar te hê moet ’n plan kies wat vaste voordele bied. Party van dié voordele is beskikbaar as gepoelde bedrae wat jy of enige van jou geregistreerde afhanklikes kan gebruik.

’n Mediese spaarrekening bied jou die vryheid om jou beskikbare fondse te gebruik vir mediese dienste of vir bybetalings. Jy het ’n hele jaar se spaargeld aan die begin van die jaar beskikbaar. Enige ongebruikte spaargeld verdien rente en word outomaties na die volgende jaar oorgedra, sodat jy ’n neseier het vir toekomstige mediese uitgawes.

Party planne bied ’n kombinasie van vaste voordele en ’n spaarrekening om selfs beter in jou behoeftes te voorsien. Jy geniet dan die aanpasbaarheid van ’n spaarrekening en die gemoedsrus dat vaste voordele beskikbaar is vir sekere dienste as jou spaarrekeninggeld sou opraak.

Al Medihelp se planne sluit ook ’n aparte mandjie met ekstra versekerde voordele in wat roetinesorg dek, soos ruim dekking vir voorkomende gesondheidsiftings, vroue en mans se gesondheidstoetse, ekstra voordele vir kinders, en spesiale voordele vir swangerskap- en baba-uitgawes. Kliek hier om meer te lees.

Wat is die voordeel vir uitgebreide sorg?
Al Medihelp se planne (behalwe MedMove!, die toetreevlakplan) bied ’n voordeel vir uitgebreide sorg wat jou voordele uitrek om jou van nog meer dekking te voorsien. Jy kry een bykomende konsultasie by ’n algemene praktisyn vir die gesin sodra jy of een van jou geregistreerde afhanklikes ’n spesifieke voorkomende gesondheidstoets laat doen en dit van die voordele vir voorkomende sorg eis. Jy kry ook ’n bykomende R490 vir selfmedikasie vir die gesin sodra jy of een van jou afhanklikes die kombinasiegesondheidstoets laat doen en dit van die voordele vir voorkomende sorg eis.

LEES MEER OOR VOORDELE VIR VOORKOMENDE SORG EN GESONDHEIDSTOETSE

Hoe die onderskeie planne dag-tot-dag-voordele bied

MedVital
Hierdie plan bied ’n voordeel vir konsultasies by algemene praktisyns en spesialiste, fisioterapie, akute medisyne, selfmedikasie, en besoeke aan noodeenhede. ’n Enkele lid het R1 450 beskikbaar en ’n gesin R2 800 vir die jaar. Ander voordele sluit die voordeel in vir uitgebreide sorg en dekking vir voorbehoedmiddels, roetinegesondheidstoetse en meer.
Sien plan
MedAdd
MedAdd se 15%-spaarrekening word verryk met aparte voordele vir tandheelkunde en oogsorg, dekking vir voorbehoedmiddels en uitstekende kraam- en babavoordele. Sodra die spaarrekening uitgeput is, word ’n vaste voordeel van R1 450 vir ’n enkele lid en R2 800 per gesin ontsluit. Jy het die hele jaar se spaarfondse aan die begin van die jaar beskikbaar. Ongebruikte fondse verdien rente en word outomaties na die volgende jaar oorgedra.
Sien plan
MedSaver
Hierdie spaarplan bied ’n ruim 25%-spaarrekening vir mediese uitgawes buite die hospitaal. Spaarfondse wat nie gebruik word nie, verdien rente en word outomaties na die volgende jaar oorgedra. Benewens die voordeel vir uitgebreide sorg, bied die plan ook ’n aparte mandjie voordele vir kraam- en babaverwante uitgawes, roetinegesondheidsiftings, immunisasie en meer.
Sien plan
MedElect
MedElect se gehaltenetwerke verseker dat gesinne omvattende dekking het vir mediese dienste soos dokterskonsultasies, medisyne, tandheelkunde en oogsorg en ander voordele, asook uitgebreide sorg. Voordele is beskikbaar vir dienste wat buite die netwerk gelewer word vir tye wanneer lede nie hul plaaslike netwerkdokters kan gebruik nie. Lede van MedElect ontvang dieselfde bykomende versekerde voordele as lede van Medihelp se ander planne, insluitend babavoordele, roetinesifting en toetse vir voorkomende sorg.
Sien plan
MedPrime
MedPrime word verryk met ’n 10%-spaarrekening. Sodra die spaarrekening uitgeput is, geniet jy ’n dag-tot-dag-voordeel van R6 900 per persoon en R12 700 wat per gesin gepoel is. Jy kan hierdie voordele vir huisdokters, spesialiste en medisyne gebruik. MedPrime bied ook aparte voordele vir tandheelkunde en oogsorg, die voordeel vir uitgebreide sorg en volop versekerde voordele wat benewens jou bestaande voordele aangebied word.
Sien plan
MedElite
Hierdie plan bied ’n 10%-spaarrekening vir dag-tot-dag- mediese uitgawes. Ongebruikte fondse verdien rente en word na die volgende jaar oorgedra. Sodra jy al jou spaargeld gebruik het, word ’n jaarlikse dag-tot-dag-voordeel van R13 900 per lid en R20 700 vir ’n gesin van drie beskikbaar gestel. MedElite bied ook aparte voordele vir akute en nie-VMV- chroniese medisyne, tandheelkunde en oogkunde. Die voordeel vir uitgebreide sorg is ook vir lede van hierdie plan beskikbaar.
Sien plan